Gjashtë muaj pas lindjes së bebit më thanë që im shoq shoqërohej me dikë. Nuk u besova fjalëve, por.

E nderuar faqja jonë B & V!
Jam e martuar prej 8vjetesh dhe kam 3vjet fejesë. Pasi u martuam të dy dëshironim fëmijë dhe arritëm të kemi para një viti.
Gjashtë muaj pas lindjes së bebit më thanë që im shoq shoqërohej me dikë. Nuk u besova fjalëve, por arrita ta kuptoj që eshte gjithçka e vërtetë.
Pashë një mesazh në telefon ku ai i kishte shkruajtur se e donte shumë.
Kur ia thashë ai më tha se pas lindjes së fëmijës nuk ndjente më asgjë për mua, Më tha se me atë ndjente shumë, atë çka nuk ndjen kur shkon me mua. Gjithashtu nuk është gati të ndihet baba.
Jam kaq keq edhe pse ai me thote që nuk ka asgjë serioze me të, përveç disa gabimeve. Jam keq moj nëna dhe nuk arrij tja gjej sensin kësaj jete. Harrova të theksoj që im shoq është italian!
Do ju isha mirenjohese nëse do më ngushellonit dhe keshilloni dicka! Faleminderit paraprakisht!

E dashur nënë e re e faqes sonë!
Nuk mund të qëndroj nga një anë apo në një tjetër, por krijova përshtypje nga ato që shkruani se bashkëshorti juaj nuk është ende gati të marrë përgjegjësitë që i takojnë, sidomos nuk është gati të bëhet baba. Të bëhesh baba sigurisht sjell me vete frike dhe ata që nuk janë ende gati, largohen.
Frika i detyron të mos bëjnë një zgjedhje, siç mund t'i ketë ndodhur burrit tuaj. Ai nuk ka zgjedhur, por thjesht mund ta kete lënë veten ta marrë rryma përpara.
Nëse nuk ndihej gati mund ta thoshte, por nuk e bëri dhe përfundimi është ky që është. Vetëm koha mund t'i ndryshojë apo shërojë faktin që një burrë nuk ndihet gati të bëhet baba.
Si përfundim ju këshilloj t'i drejtoheni edhe një psikologu çiftesh për një ndihmë më profesionale.
Ju përshëndesim dhe urojmë fat!