Mbas 3 dekadash zbuloj qe jam e birësuar..

Pershendetje B&V

Desha t'ju shkruaja dicka ne lidhje me postimin qe keni bere dje www.bebevogelushe.info/forumi/pervojat-p...mijen-tend.html#3145.

Nuk desha te beja koment pasi nuk dua te me meshirojne apo...

Une jam nje femer e cila eshte braktisur sa erdhi ne jete. E ashtequajtur "nena" ime me coi ne Jetimore pasi familja nuk ja pranonte kete femije...rrethanat, etj...dihej ne ato vite.
Jetova ne Jetimore per afro 1 vit e gjysem dhe me pas 2 njerez (shenjtore) me moren ne shtepine e tyre duke me rritur si princeshe. U kujdesen per mua kur isha semure, me edukuan, me shkolluan...me dhane gjithshka. Ndersa une...une s'dija asgje.
Pas gati 3 dekadash qe une isha pjese e tyre, marr vesh (prej tyre sigurisht) qe me kishin biresuar. C'tju them: Lotet rrëke dhe e shokuar. Per asgje ne bote nuk mund ta kisha imagjinuar qe une nuk isha femija i tyre biologjik. Ju nuk mund as ta imagjinoni se cfare dashurie kam marre une prej tyre dhe tani...se di...nejse...sapo e mora veten nga ky lajm vihem ne pune per te marre vesh kush ishin rrenjet e mia...me pak mund e shume durim i gjej...gjej ate gruan qe me solli ne jete, qe ne asnje menyre une s'mund ta quaj nene dhe nje moter te cilen AJO e kishte linduar nga nje martese tjeter. U bene 5 vite qe i kam gjetur, i kam dhuruar shume dashuri, ja kam falur te gjitha por...as kjo s'mjaftoka. Ajo grua, 1 here te vetme nuk e mori mundimin te me merrte ne tel per te pyetur a je mire? motra bente sikur me donte fort por kurre nuk e mori mundimin te me ndihmonte qe te mund te takohesha lirshem me nenen e saj apo te na siguronte nje lidhje telefoni...arsyeja? Bashkeshorti i saj (i gruas qe me solli ne jete) nuk donte...nejse deri diku e kuptoj por...ate nuk e kish lidhur njeri me pranga qe mos te merrte nje here te vetme ne tel. Sa here e merrja une, me betohej qe me do shume...por...ja praaa...ka dhe te tilla gra...mire qe beri nje gabim ne te kaluaren por tani qe femija qe braktisi i erdhi perseri nuk duhet t'ja mbyllte deren...te pakten une kshu e shoh...u zgjata shume por...ja pra qe ka dhe histori jo me fund te lumtur. Nejse e rendesishme eshte qe kam nje bashkeshort qe me do e me respekton, 2 prinder te mrekullueshem dhe...une ne pritje per tu bere nene. Kam gjithshka pra...