Tagliatela me salcë matriçanë

Tagliatela me salcë matriçanë

Piperkë
Vaj ulliri ekstravirgjër
Rripa dhjamushkash (mish derri)
Djathë i grirë kaçkavall me kripë (pekorino)
Domate të grira në kubetë ose salcë domatesh 300 gr
Piper i zi
Verë e bardhë

Përgatitja
Presim në rripa shumë të hollë Piperkën dhe mishin e Derrit.
Në tigan nxehim një fill vaj ulliri ekstravirgjër.
Shtojmë mishin e Derrit të prerë në rripa. Sfumojme me verën e bardhë. Më pas shtojmë rripat e Piperkës.
E lëmë masën të shterojë mjaftueshëm dhe pasi të jetë gati e hedhim në një tas qelqi mënjanë në të ngrohtë.
Le t'u kthehemi tani domateve. I presim në dysh dhe u heqim farat dhe lëkurën. I grijmë dhe i tiganisim në yndyrën e mishit. I lëmë në zjarr derisa të jenë tretur.
Në një tenxhere me ujë e kripë ziejmë tagliatelat, kur janë zërë alla dhëmb i kullojmë dhe i bashkojmë me salcën e përgatitur. Shtojmë dhe mishin në rripa bashkë me piperkat që kemi hequr mënjanë në të ngrohtë. Përziejmë të gjithë masën për të gërshetuar mirë me njëri - tjetrin përbërësit. Pluhurosim me djathë kaçkavall të grirë dhe piper me shumicë për një shije fantastike!