Anulloi dasmën, sepse nuk është gati për t'u bere baba! Që atëherë jam bere gjysmë njeriu.

Mirembrema Bebe&Vogëlushë!
Jetojmë bashkë që prej 6vjetesh
Në Gusht kishim prerë ditën e dasmës, por ai më merr në telefon dhe më thotë ta shtyjmë dasmën sepse nuk jam gati për t'u bere baba!
Që atëherë jam bere gjysmë njeriu. Ky ishte zhgënjimi më i madh i jetës sime. Kishim folur bashkë për fëmijën që po vjen dhe mua më dukej se ai i donte fëmijën dhe dasmën po aq sa edhe unë.
Ai më thotë se nuk do më lërë, do të më rrijë pranë dhe do të kemi kohë për të pasur një fëmijë, por unë kur e shoh kaq të qetë dhe ma kërkon këtë gjë, sikur të hiqte nga dërrasa e zezë disa numra, më vjen të ulërij!
Po ku kemi kohë për fëmijë tjetër ne more shpirtkatil?
Më falni që shfryhem, por nuk kam askënd me kë të flas e të pres një fjalë të ngrohtë! Babin nuk e kam dhe me mamin nuk flas dot se e kam te sëmurë me zemer dhe invalide.
Nuk di ç'të bëj po cmendem!