Kur mori vesh qe isha shtatzane i dashuri më braktisi, sepse kuptoi që nuk ishte i tij femija!

Mirembrema nena të dashura!
Dua ndihmën tuaj.
Jam një mami shtatzënë qe nga Tetori i vitit të kaluar!
Jam 25 vjec.
E doja shumë dhe e kam enderruar me gjithe zemër nje femije,por kur mori vesh qe isha shtatzane i dashuri më braktisi, sepse mori vesh që nuk ishte i tij femija!
Kam pasur marrëdhënie vetem një here me një ish-in tim.
Nuk ka dite te jetes sime qe nuk e mallkoj veten per dobesine dhe kete veprim te poshter, qe bera!
Shtatzania ime po gerryhet cdo dite nga ndjenja e fajit dhe e turpit!
Jam shumë e stresuar dhe plot nerva, nuk u dal dot perpara njerezve te mi.
Ish-im, babai i femijes më thotë se nuk e deshiron kete femije, nuk eshte i imi.
E shkreta vajza ime qe ka nje nene kaq te poshter!
Çdo t'i them kur të me pyese per babain e saj?!
Si arrita t'ia shkaterroja jetën pa lindur akoma?
E di jam nje grua pa din e pa imam, pa nder e llogjike.
Cfare do t'i them vajzes time kur te me pyese per te atin? T'i them që nuk jeton me!
O Zot po cmendem!

Mike e faqes sonë!
E kuptoj qe jeni e hidhëruar dhe shqetësuar nga gjendja në të cilën ndodheni, në një cast të jetës, kur duhet të fluturonit nga gëzimi.
Ashtu si është mese e natyrshme tani po e gjykoni veten, sepse ju bren tmerrësisht ndërgjegja.
Tani gjithçka është bërë dhe nuk zhbëhet më, ndaj tani duhet t'i kushtoni gjithë vëmendjen tuaj mirëqenies së bebit tuaj, të cilit i detyroheni më shumë se askujt në botë. Përpiquni të kontaktoni një psikolog që do t'ju ndihmojë të kuptoni arsyet, që ju shtynë të tradhëtonit dhe të qetesoheni, per te mos shqetësuar bebin.
Ashtu si na shkruani mendojmë se keni nevojë për shumë kohë t'i falni vetes gabimin.
Vajzen nuk duhet kurrsesi ta gënjeni, mund t'i thoni që u ndatë para se ajo të lindte.
E niset jetën tuaj me tradhëti, mos e vazhdoni me gënjeshtra.
Vajzës suaj duhet t'i falni sigurinë se e doni shumë dhe do të jeni pranë saj, sa herë që do të ketë nevojë.
Mos rrini vetem, kerkoni ndihmën e familjarëve tuaj, gjeni forcën t'i shihni në sy, jo për ju vetë, por që vajza juaj të mos humbi edhe gjyshërit e kushërinjtë.
Rinisni një jetë të re, pa asnjë brerje ndërgjegjeje, mos bëni më asgjë, për të cilën do t'ju vinte zor nga vetja!
Pershendetje!