Si ti propozoj tim shoqi të bëjë për një herë të vetme rolin e mamit dhe të dal një herë me gocat

E dashur faqe e mrekullueshme bebevogëlushë!
Kam 2vjet pa pirë një kafe me shoqet. 24 orë në 24 vetëm me fëmijët e mi. Nuk është se ndihem e sakrifikuar, përkundrazi e bëj me qejf mamin, gruan, shtëpiaken.... por sot kisha dëshirë të stakoja spinën. Shoqet e mia të shkollës së mesme kanë ardhur në atdhe për festa dhe unë i kam larg prindërit tua lë fëmijët dhe të dal një pasdite me gocat. E vetmja mundësi është ti mbajë im shoq, por nuk ia kam hapur asnjëherë këtë idenë e ndërrimit të roleve të paktën për disa orë. Nuk di si ti them... nuk di nga t'ia filloj. Kam frikë se nuk është mësuar të bëjë mamushin, nuk di as si ndizet gazi, jo më të gatuajë e ushqejë fëmijët. Ju lutem më ndihmoni si ti propozoj tim shoqi të bëjë për një herë të vetme rolin e mamit dhe unë të dal një herë vetëm me gocat, kam shumë nevojë ti takoj dhe thellë thellë mendoj se është një e drejtë e imja të mos mbyllem më siç jam mbyllur në shtëpi dhe të jetoj ekskluzivisht vetëm për fëmijët.