Eshte rritur gjithe kohen me mua dhe tani, qe e coj ne kopsht e vuan shume faktin, qe une e ndava..

Shume te dashur Bebe&Vogelushe!
Deri tani ju kam shkruar per ndihme fizike per djalin, por sot problemi im eshte me teper mendor.
Djali im 3 vjec e disa muaj eshte rritur gjithe kohen me mua dhe tani, qe e coj ne kopsht e vuan shume perbrenda faktin, qe une e ndava dhe e coj me shoket e tij bashkemoshatare.
Edukatorja me thote qe djali ne kopsht eshte shume i sjellshem dhe me edukate, rri vecuar nga te tjeret, por ka raste, qe ka shperthime te papritura, shkrehet ne vaj dhe me kerkon mua.
Ne shtepi kam vene re, qe me mban shume inat, me shtyn dhe me thote nuk dua te shkoj, nuk do kopshtin, do te rrije ne shtepi.
Une se shpejti filloj pune dhe per t'a pergatitur i kam blere nje loje me kafshe mama dhe kelyshe, qe shkojnë ne shkolle, ne kopsht apo cerdhe dhe pasi i lene bebat e tyre me shoket, pijne kafe me mamat e tjera, shkojnë ne pune, bejne pazaret.
Luajme dhe i tregoj histori me kafshet, por nuk e kuptoj pse ne fillim kjo loje na ndihmoi goxha, ndersa tani gjithcka u kthye nga fillimi.
A mund te me thoni ku kam gabuar me kete femije? Dhe si t'a ndihmoj t'a kaloje kete faze?
Ju faleminderit paraprakisht!

E dashur mama e faqes sone!
Femijen tuaj mund t'a ndihmoni shume mire me lojen me kafshe, qe i keni blere, sepse e njoh dhe kam pare shume nena, qe i ka ndihmuar, por mendoj se gaboni, kur i beni ju kafshet te flasin. Kafshet te flasin duhet t'i beje djali juaj, jo ju.
Kjo do t'a ndihmoje birin tuaj t'u jape ze dhe emer asaj qe ndjen dhe t'a beni te ndihet, se po degjoni me kujdes gjithcka, qe ai thote, se do t'a kuptoni me ne fund dhe do t'a mireprisni.
Nderkohe qe ai luan teater, ju mundohuni te kuptoni ndjenjat e femijes suaj, pse jo dhe tuajat.
Pershendetje!