Amani moj nena kam vajzen 3 vjec. S'me ha asgje vetem shishen e qumeshtit..!

Pershendetje nena dhe ju bukuroshet e vegjel!
Amani moj nena kam vajzen 3 vjec.
S'me ha asgje vetem shishen e qumeshtit pi gjithë diten dhe ate e ka rralluar.
Nuk eshte kurioze te shikoje me cfare po hame. Me s'e hap gojen per asgje ju lutem me ndihmoni.
Me thoni cfare t'i bej, se u cmenda moj nëna!

Qumështi është një përbërës ushqimor i rëndësishëm për fëmijët tanë sepse përmban kalcium themelor për zhvillimin e dhëmbëve dhe kockave, por njëkohësisht nuk është ushqimi ishte përsosur sepse nuk përmban hekur.
Duke qenë se fëmijët nuk hanë gjë tjetër prindërit tentojnë të rrisin dozat e qumështit, sepse kështu zëvendësojnë atë që nuk hëngri, pra kompensojnë kështu urinë e pashuar. Nëse ka ndodhur kështu edhe me fëmijën tuaj, mendoj se kjo gjë e ka përkeqësuar gjendjen.
Pediatrët këshillojnë qumështin në këtë rast gjatë ditës vetëm dy herë, në mëngjes duke shtuar 2 biskota, jo më shumë dhe në zemrën e pasdites pa biskota, duke e zëvendësuar me kos frutash ose duke e përzierë me fruta të grira,ose të prera në kubetë shumë të vegjël dhe shtuar sipër pak qumesht.
Gjatë drekës fëmija duhet ulur me gjithë familjen, duke i ofruar të njëjtin ushqim, që hanë pjesëtarët e tjerë të familjes,duke filluar t'i gatuani ato gjëra që fëmija mendoni se do t'i pëlqejnë më shumë, psh mish apo perime të zjera në copa të vogla të spërkatura me qumesht.
Gjatë ditës shkoni në bibliotekë dhe lexoni libra me personazhe ushqimet e ndryshme, ose luani mini shfaqje me perimet dhe frutat që e ftojnë t'i provojë.

Flisni me familjarët që janë gati për "pak mëshirë" që të mos ndërhyjnë duke i ofruar ushqime fshehurazi që të bëhen aleatët tuaj në këtë gjë.

Nëse jeni në punë dhe e bëni gjithçka me nxitim mundohuni t'i jepni më shumë kohë dhe përkëdhelje fëmijës, sepse jo në pak raste kërkojnë ngushëllim tek qumështi.
Mos zëvendësoni vaktet e tjera me qumësht dhe nëse nuk dëgjon aspak të hajë pakësoni cdo herë e më shumë dozat, pra cdo herë mbusheni biberonin gjithmonë e me më pak qumësht. Edhe nëse nuk ha asgjë, mos i shpallni luftë, do të hajë në mbrëmje.
Shpresoj tju kemi ndihmuar sadopak!
Pershendetje!