Nuk e dashuroj më babain e tim biri

Aleksi im I vogël është tepër i lidhur me të atin. Kështu ka qenë qysh kur u ngrit në këmbë, që kur mësoi të ecte.
Marrëdhënia jonë ka marrë rrokullimën. U munduam shumë të provonim ta falnim njëri tjetrin në shumë gjëra, por duket se sa më shumë mundohemi të ruajmë qetësinë, aq më shumë zihemi dhe bëjmë të vuajë djalin tonë. Nuk ndjej më asgjë për tim shoq dhe kam vendosur ti jap fund martesës sonë, por nuk di si ti shpjegoj djalit këtë situatë dreqi. Ju lutem mos paragjykoni dhënien fund të lidhjes sime, sepse nuk ka asnjë mundësi të kthehemi sërish bashkë. Do doja vetëm këshilla për t'i thënë djalit që mami nuk e do më babain e tij. Ju faleminderit nëse më ndihmoni me një këshillë, për të lënduar sa më pak të jetë e mundur Aleksin tim!

Ky email ka mbërritur në adresën tonë This email address is being protected from spambots. You need JavaScript enabled to view it. dhe është shkruajtur dhe redaktuar nga ne. Ndodhitë tuaja më domethënëse në jetë ndajini me Bebevogëlushet tona! Ne ju mirëpresim!

Prinderit e mi jane ndare kur une isha nje vit me i madh se djali yt nene e dashur! Them se thelle thelle djali yt ka filluar ta kuptoje se mes jush ka nje gje qe nuk shkon. Une nuk mbaj mend si me tha te verteten mami im, por ideja ishte qe mami dhe babi nuk shkonin mire me njeri tjetrin, por qe do me donin te dy me shume se veten. Sigurisht babi nuk u ndje me, te me vinte te me shihte, por mami ka bere cfare mundej qe te me donte dhe te ma tregonte dashurine e saj. Tregohu e embel, e dashur, e sinqerte dhe sidomos perkedhele gjithe kohes, rriji shume afer, dedikoji shume kohe dhe mbi te gjitha lutju babit te mos zhduket. Mos u zini ne sy te tij dhe ka per t'ju kuptuar vetem kur te rritet. Kur te ndahen prinderit nuk shpeton dot pa vuajtur, por te pakten te krijojme nje zhguall mbrojtje, ku ti shmangim femijeve tane goditjet e renda.
Adm Z.