Jam nënë e një vajze adoleshente që ka mbetur shtatzënë.

Përshëndetje Bebe dhe Vogëlushë!
Jam nënë e një vajze adoleshente që ka mbetur shtatzënë. Ju betohem po luaj mendsh dhe zgjidhja e vetme e mundshme më duket aborti.! Është shumë e vogël, 15 vjeç. Jetoj në rrethinat e Londrës dhe nuk di si ta zgjidh këtë hall që më ka rënë mbi kokë. Goca do ta mbajë se thotë se djali, me të cilin ka pasur marrëdhënie e dashuron dhe është dakort edhe familja e tij. I vetmi njeri që besoj se po ta marrë vesh I ati (bashkëshorti im) "e vret" bën namin. Siç ju thashë nuk më mbetet vetëm ta shoqëroj të abortojë time bijë. Jam në mes të një udhëkryqi të dhimbshëm, më vjen keq për bebin, por nuk mund të rrezikoj që babai ta përzërë gocën nga shtëpia! Ju lutem më jepni një zgjidhje! Faleminderit!