Ditëlindje në restorantin Odissea të Arben Kola.

Si sot njëmbëdhjetë vjet më parë ti më dhe emrin nënë!
Ditëlindjen e mbretit Eduardit të II rastisëm këtë vit t'a festonim në restorantin «Odissea» të Arben Kola, rruga Previtali nr 43 Bergamo.

www.odissea-fastfood.com/

Restoranti më i mirë që kam provuar kohët e fundit. Pa asnjë dyshim! Peshku dhe mishi shumë i freskët! Na trajtuan me të vërtetë si mbretër. Tashmë është bërë një destinacion gjatë fundjavave tona familjare dhe nuk kemi ndërmend t'a lëshojmë tavolinën 15mbëdhjetëshe shumë lehtë.
Nëse do të kënaqesh duhet të paguash shtrenjtë apo jo? - do më thonit ju. Ja që gaboni! Këtu nuk paguam shumë dhe u kënaqëm jashtë mase!
Në këtë rast ishim mbledhur mbi 20 miq, shokë, mama, baba, beba, çiliminj, çilimace...
Gjithçka fantastike! Pasi t'a provoni na shkruani si kaluat në faqen tonë virtuale Bebe&Vogëlushë

m.facebook.com/BebeVogelushe

për këshilla të këtij lloji duke vënë linket tuaja në restorantet ku jeni argëtuar dhe ende dëshironi të ktheheni.
Me anë të menusë që "e haje me sy" ky restorant fillon një xhiro virtuale bregdeteve dhe plazheve të mrekullueshme greke, natyrshëm të vjen të zgjedhësh midis shumëllojshmërisë së pjatave, duke filluar nga ato klasike si shkopinj me mish derri dhe pule (souvlaki), salcës së kosit, kastravecit dhe hudhrës (tzatziki), bukës së butë (pita), japrakët me oriz dhe erëza plot aromë në gjethe rrushi (dolmades) deri tek më të vonshmet si: ëmbëlsira me petë sfogliat me bajame dhe mjaltë në kadaif.
Një kthim në guzhinën e fëmijërisë, por edhe lojërat e saj si Telefoni i prishur, Vigani Shkurtabiqi, Forcë krahu, loja e Qypave, pjesë leximi nga libri Odissea...
Grup i zhurmshëm që u prit ngrohtë nga personeli i shërbimit edhe pse lamë pa bërë vetëm vallen sipër tavolinës. Torta në fund dhe mami e lumtur që nuk e vunë të gatuante dhe të lante enë.
Faleminderit për mikpritjen dhe durimin! Mirupafshim herës tjetër për të festuar (pse jo) një joditëlindje!