Kam vajzen E shikoj shpesh qe flet me kukullat e veta me ze te ulet.

Pershendetje!
Nuk arrij dot te rregjistrohem ose kam harruar ndonje pass, se kuptoj,,, ndaj po ju shkruaj ketu..
Kam vajzen 4 vjec e gjysem dhe e shikoj shpesh qe flet me kukullat e veta me ze te ulet,,,desha te dija a ju ndodh femijeve kjo gje,a eshte normale?jam shume e shqetesuar.flm

Është mese natyrale dhe e domosdoshme për një zhvillim pozitiv në rritjen e femijes suaj. Sidomos nëse flet me kukullat dhe zhvendos mbi to gjithë veprimet që bëni ju të rriturit me vajzën tuaj psh t'i vënë në gjumë, t'u japë të hajë, t'u krehër flokët, t'i lajë e t'u ndërrojë pelenën, të gatuajë në guzhinë për to etj.
Është me të vërtetë një mrekulli e psikologjisë së fëmijës, por sidomos një zotësi e tij e paparë të zhvendosë gjithçka që bëjmë ne prindërit me femijet tanë, mbi kukullat, ta bëjë vetë këtë zhvendosje, pa e ndihmuar askush.
Pa mendojeni njëherë sa forcë të madhe ka në vetvete femija juaj, kur kalon gjithë veprimet njerëzore, tek kukullat e saj! Quhet loja simbolike! Pa provojeni ju si nënë të flisni edhe ju bashkë me fëmijën tuaj kukullave, po aq natyrshëm, sa flet vajza juaj! A nuk do të ishte e vështirë të ktheheshit fëmijë?! Nëse do të arrinit ta bënit në mënyrë të përsosur do të ishit një artist . Prandaj mendoj se të flasësh me kukullat është diçka e mrekullueshme!