Nuk doja të abortoja, por ai më detyroi se humbi punën

Përshëndetje nëna!
Ju lexoj çdo mesazh dhe komentoj shpesh qoftë edhe për një fjalë të ngrohtë apo t'ju ndihmoj me çdo njohuri timen sa herë që më lejon koha. Sot do të doja veç dy fjalë ngushëlluese. Im shoq nuk më la asnjë zgjedhje. Fëmija im i katërt nuk është më. Bëra ndërprerje të vullnetshme të shtatzënisë. I katërti nuk mund të ushqehej si tre të parët. Ku hanë pesë hanë edhe gjashtë. E pra s`qenka kështu! Ai ngeli pa punë si pasojë e krizës dhe nuk donte absolutisht të mbanim edhe një fëmijë tjetër. Jam kundra abortit, por nuk munda ta shpëtoja. Tani nuk dua as ta shoh. Nuk di në do kthehemi më në një çift normal, por di që shenja në zemër do të mbetet përjetë aty. Ju uroj çdo të mirë dhe jetë të gjatë engjejve tuaj.