Çfarë janë këta njerëz qe jane kthyer në kafshe te egra, as kafsha e egër s'i braktis këlyshët..!

Pershendetje nena!
Une që po ju shkruaj jam Emi dhe jam në muajin e 8-të të shtatzanise.
Fatkeqësisht babai i foshnjës u largua dhe na la vetëm mua me foshnjën në muajin e dytë.
U largua sepse nuk duronte dot gjendjen time të keqe gjatë shtatzanisë dhe të perzierat. Ai eshte 36vjec dhe pyes veten e zhgënjyer dhe e trembur nga e ardhmja, se si eshte e mundur, që një baba te braktisë foshnjen e vet dhe të mos i interesojë fare djali! Çfarë janë këta njerëz qe jane kthyer në kafshe te egra, as kafsha e egër nuk i braktis kelyshet e vet....
Si do arrijë një nënë t'i shpjegojë fëmijës se babai i tij nuk e do dhe as që i intereson?
Ju falenderoj nese më mbështesni qoftë edhe pa u njohur! Ju uroj fat dhe familje të bashkuar!

E dashur së shpejti nënë e faqes sonë!
Duhet të dini se për t'i thënë apo shpjeguar këto gjëra fëmijëve tanë duhet të presim derisa të mbushë 16vjec.
Të gjithë fëmijët duhet të duhen njëlloj nga të dy prindërit, por edhe pse ndodh që dashuria e njërit të mungojë, fëmija ynë nuk duhet të ndihet "ndryshe" nga të tjerët!
Shpresojmë dhe urojmë gjithmonë që babai të kthehet, por në rast të kundërt është më mirë të mos vijë kurrë.
Nëse nuk ka qene atëherë edhe ju nuk keni humbur shumë. Nuk mund të humbasësh dicka apo dikë, që nuk e ke pasur kurrë!