Jam shtatzane dhe pres një fëmijë nga djali që sapo kam njohur, pra jo nga i fejuari.

Si jeni bebevogëlushe?
Unë jam 30vjec dhe jam e fejuar me nje djale që tani nuk e dua me!
Para 4muajsh njoha një djale tjetër dhe jam tërësisht e dashuruar me të
E dua shumë dhe dua ta kaloj jetën me te.
Para 3javesh mora vesh se isha shtatzane dhe pres një fëmijë nga djali që sapo kam njohur, pra jo nga i fejuari.
Po mendoj edhe abortin sepse nuk dua që i fejuari im të vuajë dhe mbi të gjitha si do t'i them familjes sime se pres një fëmijë që eshte i një tjetri!
Djali që dua më tha që mos ta bësh ne asnjë mënyrë dështimin, do të martohemi dhe këmbëngul të jemi të tre së bashku.
Theksoj se për shkak të një dështimi më parë kam kaluar një periudhë të rëndë depresioni, por si mund t'i them njerëzve të mi se jam shtatzënë dhe i fejuari im nuk është i ati?
Do ishte një bombë për ta!
Jam kaq keq sa as ha, as fle, as dal, as flas me njeri! Ju lutem si me keshilloni të veproj?!
Ju faleminderit nëse zhvisheni nga paragjykimet!

E dashur mikeshë e faqes sonë!
Në këtë pikë po ju bëj një pyetje që duhet tja bëni sinqerisht vetes dhe po sinqerisht t'i ktheni përgjigje:
Po a ia vlen të vrasësh mendjen, se çfarë do të thonë të tjerët dhe të mendoni kaq pak për veten tuaj?
Mendojeni mirë!
Uroj të shkoni aty ku ju drejton zemra, që nesër të mos pendoheni dhe gjithë të mirat për ju dhe bebin që prisni!