Vitin e kaluar mora vesh se im shoq me tradhetonte me një vajzë më të re se unë.

Mirëmbrëma nëna B & V!
Jam një grua e martuar prej 16 vjetësh me 2 fëmijë si yje 6 dhe 3 vjec.
Vitin e kaluar mora vesh se im shoq me tradhetonte me një vajzë më të re se unë.
Nga frika se mbetesha e vetme në rritjen e fëmijëve tanë, nuk ua ndava, por tani nuk arrij ta harroj këtë tradhëti, as nuk arrij ta fal atë. Po vuaj akoma si një qen, po ashtu si ditën kur e zbulova.
Jam shumë e shpërfytyruar si njeri, nuk njoh më veten. Jam bëre gjysmë njeriu. Më rreh zemra dhe kam humorin copë.
Ai më thotë që është penduar dhe më lutet të mos shtirem sikur jam mirë, sepse duket një orë larg, që jam shumë keq.
Ai më tha të flasim dhe të vendos a dua akoma të jemi bashkë, por unë nuk di me të vërtetë çfarë të bëj! Ju lutem me ndihmoni, si mendoni se është më e drejtë të bëj? Është një ferr të vazhdoj kështu!
Faleminderit!

E dashur!
Të zbulosh një tradheti bashkëshortore edhe pse mund ta falësh apo partneri të pendohet, të sjell me vete ndjenja, për të cilat duhet patjetër të flisni me dikë.
Nëse përpiqeni t'i mbysni apo t'i shtypni ndjenjat tuaja, nuk do mund të ecni përpara në lidhjen tuaj.
Plaga në këtë rast mbetet gjithmonë e hapur dhe ka nevojë "të shtrydhni qelbin" dhe ta mjekoni.
Ndryshe nuk do të mbyllet kurrë. Flisni me partnerin tuaj, për atë që ndjeni.
Nëse mundeni kërkoni të dy ndihmë psikologjike.
Përshëndetje të mirësjella!