Im bir i gjuajti me grusht të atit për të më mbrojtur.

Përshëndetje faqja ime!
Sot ju shkruaj për një ngjarje të rëndë, që ndodhi në familjen tonë. Kam dy çuna si drita, por që janë rritur ashtu si dhe unë nën frikën e babait të tyre. Pas shumë vitesh dhune dhe keqtrajtimi djali im i madh nuk duroi dot më. Në momentin që i ati po përgatitej të më qëllonte, ai i gjuajti me grusht të atit për të më mbrojtur. Të gjithë në shtëpi mbetëm të pataksur, sidomos unë nga frika se do ti kthehej djalit në inat e sipër dhe do ti bënte keq. Për fat episodi I shëmtuar u mbyll aty dhe bashkëshorti doli nga dera pa thënë asnjë fjalë. Nuk di si do shkojnë punët dhe trembem për fëmijët e mi, për vete jam mësuar, nuk më gjen gjë. Ndonjëherë mendoj se më në fund mori fund trajtimi I dhunshëm që na bën ai, nga ana tjetër trembem se në një mënyrë apo në një tjetër ai do të hakmerret apo ti tregojë se nuk e mund dot të birit! Ju shkruaj e brengosur dhe e frikësuar. Ju si mendoni! Çfarë duhet të bëjë një nënë po të ishte si unë? Do ju falenderoja nëse do të më thonit diçka, qoftë edhe një fjalë të mirë! Faleminderit të gjithave paraprakisht!