Dua me gjithe zemër nje femije, se eshte e vetmja gjë që do t'i jape kuptim jetes, por anoreksia...!

Pershendetje nena te dashura!
Jam një vajzë që vuaj nga anoreksia, që prej 8 vjetësh, sidomos nga shqetësimet e osesionit kompulsiv të sjelljes.
Kur isha 20 vjeç doja patjetër një fëmijë, por im shoq nuk ishte dakord me mua dhe më thoshte se nuk janë plotësuar kushtet.
Që në çastin kur ai më tha jo m'u rëndua shume gjendja dhe kalova ne anoreksi nervoze. Po perpiqem të sherohem me te gjitha forcat e mia, por akoma nuk jam sheruar plotesisht.
Dua me gjithe zemër nje femije, se eshte e vetmja gjë që do t'i jape kuptim jetes sime, por nuk mund ta bej pa u shëruar!
Deshira per t'u sheruar eshte e madhe, por nuk arrij dot... madje te gjithe me thone nuk do te sherohesh, se po te doje e kishe bere me kohe....
Ua kam shpjeguar të gjithëve se dua me gjithë shpirt të sherohem dhe nuk bëj kot, por....
A mund te me ndihmoni me keshillat tuaja!
Ju falenderoj nese me ndihmoni te pakten t'a kuptoj dicka si mund të bëj, për të dalë nga kjo gjendje e dëshpëruar!

 Një problem serioz si anoreksia zgjidhet nëse ndiqeni nga një psikolog i specializuar, i cili do tju ndihmoje pak e nga pak çdo ditë t'a perpunoni problemin tuaj dhe pastaj ta kapërceni
Nga ana juaj duhet të përpiqeni të rrisni peshën tuaj trupore, sepse zakonisht anoreksia sjell me vete mungesën e ciklit mestrual.
Nëse jeni në këtë pikë duhet të lidheni fort pas dëshirës për të pasur një fëmijë e të përpiqeni të shtoni peshë, për të plotësuar dëshirën e madhe që mbani ne zemer. Nëse cikli vazhdon, nënpesha ngadalëson shumë funksionet e fizikut tuaj, që e favorizojnë shumë një shtatzani.
Mundohuni të shtoni rreth të paktën 3kg dhe t'i jepni vetes forca, për t'u bërë nënë. Nëse nuk arrini të shihni përparime, shtim peshe duke u peshuar vetëm një herë në JAVE duhet të drejtoheni tek psikologu.
Ju urojmë forcë, shëndet dhe plotësim dëshire!