Do tradhëtoj, apo të shes trupin, siç po e shes, për ti blerë vajzës qumështin.

Përshëndetje faqes së mrekullueshme B&V!
Unë që po ju shkruaj jam një grua e martuar me një djalë nga qyteti X. E kam dashur fort ndaj e kam duruar dhe për hir të fëmijës! Thoja me vete se do të ndryshonte, por vazhdon të pijë e të hedhë gjithë shtëpinë në lojërat e fatit. Jam e detyruar të shkoj me një burrë tjetër, që sa herë që më vjen në shtëpi më lë tek komodina lekët për qumështin dhe ushqimet e gocës. Burri im jo vetëm që skujtohet për asgjë, por vijnë edhe njerëz që u ka lekë borxh të marrin plaçkat e shtëpisë një e nga një. Na ka rrënuar më besoni! E di që do thoni pse nuk gjen një punë, por nuk ka kush të ma mbajë vajzën. Prindërit i kam larg. Do thoni ju si ja jep atë qumësht harram dhe farmak! Ja jap me gjithë hidhërimin tim që fati nuk ma gjeti një herë derën, por kur e shoh që fle e ngopur nuk dua tja di më për asgjë! Çdo gjë do bëja për vogëlushen time! Që ajo të qeshte e ngopur! Edhe të tradhëtoj, apo të shes trupin, siç po e shes, për ti blerë vajzës qumështin. Sikur 100 herë të kthehesha mbrapsht njëqind herë do të bëja të njëjtën gjë. Uroj të mos më gjykoni dhe mos ju rëntë hall mbi kokë si ky fatkatil si i imi....