Ju shkruaj sepse vajza ime 2 vjec e gjysmë ka frikë nga të rriturit meshkuj.

Të dashura nena!
Ju shkruaj sepse vajza ime 2 vjec e gjysmë ka frikë nga të rriturit meshkuj.
Shpeshherë kur i afrohen fshihet pas meje dhe qan.
Kam lexuar ne net se në këtë moshe mund të ndodhë shpesh dicka e tillë.
Si mund të veproj për ta ndihmuar? Jam shumë në merak! Vlerësoj shumë çdo pergjigje që marr në këtë faqe.
Pershendetje të gjithave!

E dashur nënë e re e faqes sonë!
Frika nga burrat në kete moshë shfaqet pothuajse në mënyrë periodike, sidomos kur meshkujt kanë mjekërr të gjatë, kjo kur babin, xhaxhain, gjyshin nuk janë mësuar ta shohin me mjekërr.
Në këtë rast mjekrra ndjell frikë, sepse u duket si gjë e çuditshme. Kur i afrohen vajzës për ta përshëndetur ftoji të tregohen të matur dhe të mos këmbëngulin kur nuk shfaq dëshirën t'i përshëndesë.
Ndërkohë nëse prisni miq, lajmërojeni në kohë dhe mundohuni ta qetësoni sa më shumë të jetë e mundur.
Mos i bërtisni asnjëherë, për t'i hequr frikën, sepse nëse në të kaluarën e saj nuk ka pasur ndonjë ngjarje që ta traumatizoje, ka shumë mundësi që kjo frikë të kalojë vetë.
Sa herë që ndodh të qajë perqafojeni dhe sigurojeni se nuk do t'i ndodhë asgjë e keqe. Nuk duhet të tregoheni e shqetësuar, sepse vajza mendon se ka shumë arsye për t'u shqetesuar.
Qetësia juaj pak e nga pak do t'i mësojë vajzës se nuk ka asgjë për t'u shqetesuar.
Ne të kundërt nëse jeni në dijeni të një ngjarje traumatike, sado e vogël të jetë flisni me pediatrin e vajzës, për të arritur të kuptoni më mirë se çfarë ka ndodhur dhe ta zgjidhni së bashku.
Përshëndetjet tona!