E bllokuar nga frika se nuk do arrinim t'i ushqenim 2 binjakët vendosa t'i abortoj.

Mirembrema!
Nena kam 2 femije, njera 6vjec dhe tjetra 4 muajsh.
Vajzën e parë nuk e kishim në plan, ndërsa e dyta po.
Mezi e kemi pritur pas një ndërprerje të vullnetshme të shtatzanise NVSH.
Kisha marrë atë kohë edhe pilulen, por megjithatë nuk funksionoi.
Ishim në një gjendje të vështirë ekonomike, por vendosëm ta mbanim fëmijën... deri në çastin kur morëm vesh se prisnim 2 binjakë.
Ishim kaq keq dhe nuk e di pse e bllokuar nga frika se nuk do arrinim t'i ushqenim 2 binjakët vendosa t'i abortoj.
Gjithçka u bë kaq shpejt, sa më dukej si një ëndërr e keqe, që nuk më ndodhte mua, por një gruaje tjetër. Pas 20 muajsh mora vesh që prisja vajzën e dytë dhe u cmenda nga gëzimi, por nuk më hiqej mendja nga 2 vrasjet që bëra.
Ndihem keq dhe mbaj një barrë sa një mal mbi vete.
Kur mundohem të flas me burrin për të mund ta kapërcyer këtë ndjenjë të madhe brenge, ai ma pret shkurt c'è vret mendjen dhe ti. Kemi gocat si yje....
Po dy zemrat e mia te vogla? Si munda t'i braktis?
E urrej dhe me peshtiroset vetja nga ajo që bëra, por eshte teper... Tepër vonë.
Nuk di pse e shkruaja
kete mesazh, ndoshta as vete nuk e di se çfarë kerkoj nga nenat e kësaj faqeje, por ndoshta po të më falni do arrij ta fal ndonjë ditë veten.
E di, kam bere krim....!

Nënë e re e faqes sonë!
Ndërprerja e vullnetshme e shtatzanisë është ndoshta një nga përvojat më të dhimbshme, që mund të kalojë në jetë një grua, sidomos tek gratë që i vret ndërgjegje dhe u mbetet mendja tek ideja se si do të kishte ndodhur po të kishte bërë një zgjedhje tjetër. Tani plaga është ende e freskët dhe ju nuk mendoni më për vështirësitë ekonomike që ju detyruan të bënit këtë zgjedhje dhe mendoni vetëm për çmendurinë që bëtë duke ndërprerë shtatzanine tuaj.
Vështirësia më e madhe tani eshte se një femër pas NVSH mendon se nuk meriton të jetë nënë e mirë për dy fëmijët që ka në krahë.
Duhet të lini vetes pak kohë sa plaga të mbyllet e të zërë kore...edhe pse shenja do të mbetet duke risjellë ndonjëherë edhe dhimbjen, edhe vrarjen e ndërgjegjes.
Mundohu ta mbushni jetën dhe të shijosh vajzat tuaja si dhe të kërkoni ndihmë nga mikeshat apo familjarët tuaj!
Mos lejo kurrë që ajo që bëtë të shkatërrojë familjen dhe fëmijët tuaj qe kane aq shumë nevojë për ju.
Ju uroj mbarësi dhe qetësi shpirtërore!